لاہورہائی کورٹ کے چیف جسٹس خواجہ محمد شریف نے شہری کو پلاٹ الاٹ کرنے کے باوجود ملکیت

[Lahore_Real_Estate]

لاہور(کلچرل رپورٹر) یونائٹڈ فلم ایسوسی ایشن آف پاکستان کے چیرمین میاں امجد فرزند نے کہا ہے کہ پاکستان میں سینماﺅں گھروں کی کمی ہے اس کمی کو پورا کرنے کے لیے ہر شہر میں شروع ہونےوالی سرکاری وغیر سرکاری ہاﺅسنگ سکیم میں سینما ہال کیلئے ایک پلاٹ لازمی مختص کرنا چاہیے اس کے علاوہ بڑے شہروں میں تعمیر ہونےوالے شاپنگ مال میں بھی ایک سینما ہال کو لازم قرار دیا جائے اس طرح کے اقدامات سے فلم انڈسٹری کو بڑی مارکیٹ میسر آ جائے گی ۔ایک زمانہ تھا کہ ملک میں 1200سے زیادہ سینما گھر ہوا کرتے تھے اب اُن کی تعداد ا کم ہو کر 150 رہ گئی ہے اس سے فلم پروڈیوسر کو اپنی فلم سینما میں لگانے کیلئے شدید مشکلات کا سامنا کرنا پڑتا ہے اور سینما کی تعداد کم ہونے سے اکثر فلم پروڈیوسروں کو نقصان کا سامنا کرنا پڑتا ہے۔ میاں امجد فرزند نے وفاقی اور صوبائی حکومتوں سے اپیل کی ہے کہ وہ فلم انڈسٹری کی بھلائی کیلئے فوری طور پر نئی ہاﺅسنگ سکیموں اور شاپنگ مال میں ایک سینما ہال ضرور تعمیر کروانے کا قانون منظور کریں ۔